Yellowhammer dead at the side of the road © Shutterstock
#AmddiffynNatur: Rydyn ni eich angen chi
Dim Natur. Dim Dyfodol.
Mae natur dan ymosodiad gan gynlluniau Llywodraeth y DU i chwalu miloedd o gyfreithiau sy’n gwarchod ein hamgylchedd.
Mae Bil newydd, a elwir yn swyddogol cyfraith yr UE a ddargedwir (neu'r bil REUL), yn bygwth dileu miloedd o gyfreithiau hanfodol sy’n amddiffyn bywyd gwyllt erbyn diwedd y flwyddyn. Bydd hyn yn arwain at hyd yn oed mwy o lygredd yn gwenwyno afonydd, mwy o leoedd gwyllt mewn perygl o gael eu difrodi – ac o bosibl eu dinistrio – a mwy o fywyd gwyllt dan fygythiad o ddiflannu.
Mae hwn yn ymosodiad ar natur. Rydym yn annog y Llywodraeth i gael gwared â'r Bil – cyn ei bod hi’n rhy hwyr.
Gyda bywyd gwyllt bellach yn dirywio'n gyflymach nag ar unrhyw adeg yn ein hanes, mae angen i ni weithredu gyda'n gilydd NAWR i #AmddiffynNatur.
Sut allwch chi helpu
Anfonwch gerdyn post at eich AS
Rhowch wybod i'ch AS pam fod eich ardaloedd naturiol lleol yn bwysig i chi a pham eu bod yn haeddu cael eu gwarchod
Anfonwch Tweet at eich AS lleol
Os ydych chi ar Twitter, defnyddiwch ein ffurflen syml i anfon Tweet at eich AS.
Ysgrifennwch at eich AS
- Llawrlwythwch ein llythyr templed yma
- Golygwch neu ychwanegu at y testun i adlewyrchu eich pryderon eich hun
- Dewch o hyd i'ch AS yma
- Anfonwch eich llythyr drwy'r post neu e-bost at eich AS
Pam mae'r Ymddiriedolaethau Natur ac elusennau amgylcheddol eraill mor bryderus?
Rydyn ni’n credu bod Llywodraeth y DU wedi lansio ymosodiad llawn ar fyd natur – gan adael bywyd gwyllt heb ei amddiffyn drwy rwygo rhai o’r cyfreithiau mwyaf sylfaenol sydd gennym ni.
Mae deddfau cynllunio a ‘pharthau buddsoddi’ newydd a gyhoeddwyd ddydd Gwener 23 Medi yn awgrymu y byddai’n ‘rhydd i bawb’ ddinistrio fyd natur. Fe fydden nhw’n gwanhau’r cyfreithiau oedd yn bodoli gynt i’w hamddiffyn rhag y jac-codi-baw a choncrit. Gallai Mesur Cyfreithiau Ewropeaidd Cadwedig newydd hefyd olygu diwedd amddiffyniadau sylfaenol, gan arwain at golli safleoedd bywyd gwyllt dynodedig a llacio cyfreithiau llygredd, gan arwain at fwy o garthffosiaeth yn ein hafonydd a’n nentydd.
Ar ben hynny, mae Llywodraeth y DU hefyd yn adolygu’r system newydd sydd wedi’i datblygu i wobrwyo ffermwyr sy’n helpu i adfer yr amgylchedd. Mae adroddiadau’n awgrymu yn lle hynny y gallent ddychwelyd yn ôl i’r hen drefn o dalu ffermwyr yn dibynnu ar faint o dir y maent yn berchen arno (gyda thirfeddianwyr mwy yn derbyn mwy o gymhorthdal). Dyma dro bedol llwyr ar y diwygio amaethyddiaeth yr addawodd y Blaid Geidwadol ei gyflawni yn eu maniffesto etholiadol yn 2019.
Gallwch ddarllen mwy am y materion hyn yn ein blogiau a rennir isod.
