Gwlad Ein Dyfodol

Natur yw ein system cynnal bywyd. Mae’n amddiffyn ein hiechyd, yn gofalu am ein lles, ac yn hanfodol yn y frwydr yn erbyn newid hinsawdd – a fydd yn niweidio ein tir, ein hafonydd a’n moroedd ymhellach. Heb natur, ni fyddai gennym ein treftadaeth amaethyddol Gymreig gref. Heb natur, rydym mewn perygl o golli’r rôl hanfodol y mae amaethyddiaeth yn ei chwarae wrth gynnal ein heconomi a’n cymunedau gwledig. Heb natur, ni allwn sicrhau iechyd a lles ar gyfer cenedlaethau’r dyfodol.

Heb gamau i gryfhau Bil Amaeth (Cymru) newydd, mae 1 o bob 6 rhywogaeth Gymreig yn parhau i fod mewn perygl oherwydd y ffordd rydym yn rheoli ein tir amaethyddol . Mae hyn yn cynnwys rhywogaethau eiconig fel y gylfinir, eog, draenogod ac ystlumod, i gyd yn cael eu hyrwyddo gan ein Haelodau Senedd.

Nid oes llawer o amser ar ôl i sicrhau y bydd y Bil Amaeth (Cymru) newydd yn galluogi adfer natur yng Nghymru. Er gwaethaf misoedd o drafodaethau gyda Llywodraeth Cymru, mae’r Bil ar hyn o bryd yn anwybyddu pwysigrwydd adfer natur. Bydd y Senedd yn cytuno ar y Bil hwn cyn bo hir, ac os na chaiff adfer natur ei gynnwys, na fydd o'n addas i'r adferiad o natur.

Gyda thir fferm yn gorchuddio bron i 90% o Gymru, mae gan ffermwyr ran hanfodol i’w chwarae o ran diogelu ac adfer natur, sydd angen ei ymgorffori yn y gyfraith. Er bod rhai ffermwyr wedi dangos gallu gwych i fod yn geidwaid cefn gwlad, y lleiafrif ydynt o hyd. Anogir ffermwyr i ddefnyddio arferion ffermio anghynaliadwy sydd wedi lleihau cynefinoedd naturiol trwy ddefnyddio plaladdwyr, gwrtaith artiffisial, ac yn rhoi ormod o anifeiliaid ar y tir. Mae hyn oll wedi cyfrannu at golli bywyd gwyllt yn ogystal â llygredd llawer o’n hafonydd.